Poem by Deepika ji

Sifte Chaman-e-Bahaar Hain Dono
Hind ke Taajdaar Hain Dono
Wajhe ilm-o-Waqar Hain Dono
Jahaalat ko bhi Zimmedar Hain Dono..
Shan-e-Parwardigar Hain Dono
Lekin Dharm ki Deewar Hain Dono
Zakhmi Ye Rozgaar Hain Dono
Teer-e-Gham ka Shikar Hain Dono..
Ab wo Pahla Sa Rang Roop Nahi
Gayi Guzri Bahar Hain Dono
Ghair ka Aitbar Karte Hain
Aise Be-Aitbar Hain Dono..
Raahe Ulfat me Chal Nahi Sakte
Jung me Shah Shawar Hain Dono
Sar Bhi Apna Utha Nahi Sakte
Is Qadar Karazdaar Hain Dono..
Ab Na Wo Kaba Na Wo Sanam Khana
Bughaz ki Yaadgar Hain Dono
Ek Ko Ek Chu Nahin Sakta
Kitne Parhezgar Hain Dono..
Sar hi Nahin Jinke Sar pe Apna
Siyaasat ke Hathon Gawaar Hain Dono
Kyun Kahun Dushman Unko Aey Deepika,
Apne Matlab ke Yaar Hain Dono..!!

( Hai Haalat-e-Majburi
Kalam Chalana hai Zaruri )